Сообраќајна несреќа се случила на патот Сремска Митровица – Јарак, кога се превртел автобус полн со патници. Како што неофицијално дознава „Блиц“, најмалку две лица загинале.

Според информациите, поголем број патници се повредени и во моментов се пренесуваат во болница.

Сообраќајот е запрен, а како што се гледа на фотографијата објавена на Инстаграм-страницата „sremskamitrovica.mojgradsm“, на местото на несреќата има најмалку три екипи на Итната помош од Домот на здравје Сремска Митровица.

Покрај нив, на терен се и возила на итната помош од Рума, Инџија и Шид, а некои од повредените се пренесуваат со приватни автомобили во Општата болница во Сремска Митровица.

Како што неофицијално дознава Сремска телевизија, станува збор за автобус кој превезувал работници. Истрагата е во тек, а точната причина за несреќата ќе биде позната по увидот.

 

View this post on Instagram

 

A post shared by MOJ GRAD SM (@sremskamitrovica.mojgradsm)