ФОТО | Сузана Спасовска денеска слави и роденден и именден: „Тивка радост во мене!…“
Македонската музичка дива Сузана Спасовска денеска има два поводи за славење. Сузана, еден од најмоќните женски гласови на македонската народна и фолк сцена, денеска слави и роденден и именден.
Препорачано
Пејачката објави на својот профил на Фејсбук фотографија од себе со славенички натпис:
„Тивка радост во мене! Денес е и мојот роденден и мојот именден, денес е Света Сузана! За многу години! ❤“, напиша Спасовска.
Бројни пријатели, колеги и обожаватели ѝ ги честитаат роденденот и именденот, посакувајќи ѝ најубави желби.
Фолк-дивата Сузана Спсовска е родена на 24 август 1964 година во Скопје. Уште од дете настапувала во голем број хорски ансамбли и пејачки групи. Подоцна постигнала извонредна пејачка кариера, изведувајќи неколку стотини народни и авторски фолк песни.
Нарекувана „златното грло“, „славејот македонски“, „наследничка на Васка Илиева“ . Позната е по своите уникатни настапи и кореографии.
Македонската музичка ѕвезда од 80-тите години на 20 век ја негува македонската песна и снимила над 25 самостојни аудио, ДВД и видеоизданија, многу видеозаписи со врвен квалитет, музички антологии, самостојни концерти и настапувала на речиси сите фестивали и добила бројни награди и признанија.
