Нова голема трагедија можеше да го погоди светскиот фудбал, но за среќа беше избегната во последен момент!

Приватен авион со ѕвездата на Наполи, соиграч на нашиот Елиф Елмас, Дрис Мертенс, излета од пистата при слетувањето во Антверпен, а потоа се лизна на тревникот. За среќа, никој не е повреден.

Мертенс бил во авионот на Цесна со своето куче, пилот и еден неименуван патник. Сите поминаа неповредени. Сè се случи во саботата, покрената е истрага, а Белгиецот не сакаше да ја коментира ситуацијата.

A private jet with Napoli forward Dries Mertens (and his dog) overran the runway of the Antwerp Airport on Saturday, where he was heading for his recovery from his ankle injury. Both were OK.https://t.co/829nZbHxx8 (@sportwereld_be) pic.twitter.com/XbyUGbPWNd

— Vince Van Genechten ?? (@VVGenechten) February 3, 2021

Мертенс замина во Белгија со приватен авион на хрватската компанија „Јунг Скај“ со цел да се консултира со специјалист во татковината за повредата на скочниот зглоб пред околу еден и пол месец.

Според тамошните медиуми, врнел силен дожд и пилотот не успеал да го задржи авионот на пистата, па морал да биде извлечен со две технички возила.

Пред помалку од две недели, приватен авион со фудбалери се урна во Бразил, и сите загинаа во таа несреќа.