ФОТО | Северина сакаше да пее во боите на Украина на настап во Брчко: Организаторите мораа да реагираат
Хрватската поп дива Северина пред два дена настапуваше во Брчко, Босна и Херцеговина, на 22 годишнината од градот. Пејачката ги сподели видеата на својот инстаграм-профил и се заблагодари на многубројната публика, пренесува „Index.hr“.
„Ова е прекрасниот Плоштад на Младите во Брчко, каде првпат пеев во понеделникот вечерта. Тоа беше голема љубов на прв поглед. Преполн плоштад, вашите раце во воздух и песните засекогаш ќе ми останат во срце. Беше ладно, но тоа не ја попречи забавата“ – напиша Северина во објавата.
View this post on Instagram
Северина носеше тренерки на концертот, па нејзиниот изглед „им бодеше очи“ на некои, па ја критикуваа отворено дека таков стајлинг не приликува на една ѕвезда.
„Само Северина може да направи спектакл во тренерки“ „И мене кога не ми се оди некаде, облекувам тренерки“ „Можевте да ги испочитувате луѓето и да се појавевте пристојно облечени“ – пишуваат тие.
Но, што била работата, навистина?
Според босанските медиуми, Северина во Брчко стигнала во друг стајлинг, односно сакала да се појави на сцена во боите на украинското знаме, но во тоа била спречена од страна на еден политичар. Таа се фотографираше со својата екипа во стајлингот во сина и жолта боја, а притоа сакала да настапува во истите бои и вечерта.
Домаќинот од градот Брчко забележал што ќе следи, па побарал итно од организацијата да не се случи музичкиот изведувач да излезе на сцената во Брчко облечен во тие бои.
Северина се огласи на својот инстаграм профил, oпишувајќи ја ситуацијата до детал.
View this post on Instagram
„Обединети бои на Европа: Конечно можам да потврдам дека некои од гласините за мене се точни. Така, признавам дека во Брчко настапував во тренерка во неутрална боја (и според некои, сум ја навредила публиката), а причината е баш тоа, да не ја навредам публиката со мојот стајлинг, според мислењето на локалниот политичар на дистриктот Брчко. Целиот бенд го облеков за настап во тренерки кои се во бојата на босанското и украинското знаме. Политичкиот врв толку се извади од памет, што заборави дека и нивното знаме е со истите бои како украинското. Па било или не било, заврши како што заврши – единствената тренерка што ја имав ми беше таа за по пат.
Дека сево ова е точно, потврдувам со фотографиите од шаторот каде се пресоблекувавме. Во секој случај, извинување до публиката. Слава на Украина, нам, на Босна и Херцеговина и сите добри луѓе во нив“