ФОТО | Сега е официјално: Емили Ратајковски и Пит Дејвидсон на романтичен состанок во Њујорк
По гласините за нивната романтична врска, Пит Дејвидсон и Емили Ратајковски за првпат биле забележани заедно во јавност, пишува „Пејџ сикс“.
Имено, комичарот вчера го прослави својот 29. роденден, а папараците го фотографирале пред станот на 31-годишната манекенка во Њујорк.
Ратајковски излегла за да се сретне со Дејвидсон, но откако ги забележале фотографите, таа се вратила во својот дом, а Дејвидсон заминал.
Набргу потоа, Ратајковски повторно излегла од станот, се качила во возило на „Убер“ и се упатила кон домот на Дејвидсон. Овој пат, таа носела родендски подарок во своите раце.
Дејвидсон ја пречекал Ратајковски пред зградата, каде што папараците ги забележале како се прегрнуваат.
Според извори блиски до парот, тие комуницираат веќе неколку месеци и дека нивната врска е сосема на почеток.
„Пит постојано ја смее Емили и го обожава тоа што таа е многу интелигентна“, вели изворот.
Гласините за нивната врска почнаа минатата недела, кога анонимен извор споделил дека ги забележал на романтичен состанок во Бруклин.
Како потсетување, Емили Ратајковски се раздели од нејзиниот сопруг Себастијан Беар-Меклард во јули годинава, а причина за нивната разделба, наводно, било неверството на Меклард.
Тие беа во брак од 2018 година, а во март 2021 го добија синот Силвестер.
„Тие се разделија неодамна. Тоа беше одлука на Ем. Ќе ѝ биде добро, таа е силна и е фокусирана на синот. Обожава да биде мајка“, изјави тогаш близок извор за „Пипл“.
Од друга страна, пак, Пит Дејвидсон неодамна ја прекина својата врска со телевизиската ѕвезда Ким Кардашијан.