ФОТО | „Руската Пепелашка“ на 44 години очекува шесто дете, во брак е со еден од најбогатите луѓе на светот
Еден од најпрепознатливите топ модели во светот, руската убавица која некогаш ја нарекуваа „жива кукла“ поради нејзините експресивни сини очи, веќе некое време не шета по модните писти, а денес е честа гостинка на гламурозни настани. Во меѓувреме, Наталија Водианова роди пет деца, се омажи за човек чие богатство се мери во милијарди и стана филантроп, а сега од нејзиниот дом пристигна уште една убава и неверојатна вест – дека на 44 години е бремена по шести пат, веста ја сподели француското издание на магазинот „Вог“.
Препорачано
View this post on Instagram
Водианова позира на насловната страница на најновото издание на магазинот, облечена во син мини фустан кој го покажува нејзиниот труднички стомак, пренесе магазинот „Пипл“.
– Помеѓу две ревии, на почетокот на годината, Наталија Водианова ми се довери дека е бремена. Нејзиното шесто дете на 44 години. Веднаш знаев дека таа мора да биде нашата летна насловна ѕвезда – се наведува во текстот на инстаграм-профилот на француски „Вог“ покрај фотографијата од нивната насловна страница.
View this post on Instagram
Среќниот татко е Антоан Арно, син на основачот на конгломератот ЛВМХ и еден од најбогатите луѓе денес, Бернар Арно. Наталија и францускиот бизнисмен, инаку извршен директор на компанијата „Кристијан Диор“, се венчаа во Париз во 2020 година, среде пандемијата на коронавирусот што не им дозволи да приредат спектакуларна свадба како што планираа.
Нејзиниот најстар син Лукас Александар има 25 години. Го роди додека беше во брак со англискиот бизнисмен и милионер Џастин Портман, син на виконтот Едвард Портман, со кого подоцна доби уште две деца, ќерката Нева (20) и синот Виктор (18).
View this post on Instagram
Иако убавата Русинка стана мајка на само 19 години, во времето кога, како глобална модна икона, важеше за еден од најбараните модели, родителството не ја загрози нејзината кариера, напротив.
По разводот од Џастин, таа го запозна Антоан, но не брзаше да се омажи. Сепак, тој беше упорен и успеа да ја врати нејзината доверба во таа институција, иако, пред официјалното судбоносно „да“, добија два сина, Максим, кој сега има 12 години, и 10-годишниот Роман. Наскоро повторно ќе станат родители.
View this post on Instagram
Наталија ја нарекоа и „руска Пепелашка“, бидејќи, како што своевремено пишуваа странските медиуми, благодарение на убавината успела да се извлече од сиромаштијата во која живеела во Нижни Новгород со самокраната мајка и сестрата која имала аутизам.
Додека поранешниот сопруг аристократ јавно тагуваше по неа, таа веќе била во врска со друг милионер
