Македонската А репрезентација за првпат во својата историја ќе игра во баражот за пласман на Светското првенство, во овој случај Мундијалот во Катар 2022.

Преку жрепка се одреди дека во полуфиналето на гостински терен играчите предводени од селекторот Благоја Милевски ќе играат против актуелниот европски шампион Италија.

Доколку триумфираме на тој меч во големото финале ќе играме со подобриот од пресметката Португалија – Турција.

Цела земја, сите навивачи на најдобрата македонска репрезентација посакува да се најде на уште едно големо натпреварување.

На тоа се надева и верува и еден од нашите искусни одбранбени играчи, членот на Динамо Загреб, Стефан Ристовски кој испрати порака до Португалија и нивната најголема ѕвезда, Кристијано Роналдо.

– Се гледаме во финале!? – објави Ристовски на Инстаграм.

Ристовски веќе знае како е да се игра против еден од најдобрите играчи на светот, во минатото против Португалија во два пријателски натпревари одигравме нерешено (0:0) и еднаш загубивме (0:1).

Матеус ги предупредува „азурите“: Не ги отпишувајте Македонците, тие ја победија и Германија