Одбојкарската репрезентација на Македонија со победа ги започна квалификациите за пласман на Европското првенство. На стартот од квлаификацискиот турнир кој се игра во арената „Борис Трајковски“, избраниците на селекторот Никола Матијашевиќ ја совладаа селекцијата на БиХ со 3:1 во сетови и тоа 27:25,25:21,23:25,25:19.

Првиот сет започна со израмнета игра, односно се играше поен за поен се до 6:6 по што одбојкарите на БиХ направија серија од 3:0 со која поведоа со 6:9, а потоа и со 8:12 по што селекторот Матијашевиќ мораше да земе тајм-аут.

Но играта на нашите одбојкари не се поправи, туку противникот направи нова серија од 0:3 за најголемо водство од 8:15. Тогаш како да се разбудија нашите одбојкари, прво направија серија од 4:0 и подоцна и намалија на минус еден (18:19).

Босанците одговорија со три поени по ред благодарение на одличниот блок, потоа и поведоа со 22:24 по сервис грешката на Љавтов кој наш најдобар одбојкар во првиот сет.
Милев освои поен за 23:24, а по грешката на противникот одбојкарите израмни на 24:24 за со одличниот сервис на Ѓорѓи Ѓоргиев и потоа на блокот на Никола Ѓоргиев, Македонија го освои сетот со 27:25.

Во вториот сет, македонските репрезентативци продолжија каде што застанаа во првиот и за прв пат дојдоа до три поени предност (10:7). Потоа предноста се зголеми на пет поени (16:11) по што одбојкарите рутински ја одработија задачата и го освоија вториот сет со 25:21.

Третиот сет и припадна на репрезентацијата на БиХ беше подобра во завршницата и го реши сетот во своја корист со 22:25.

Во четвртиот сет, одбојкарите не ја повторија грешката од претходниот, реализацијата во нападот функционираше одлично, а проработи и блокот и на крајот дојдоа до триомф од 25:19.

Капитенот Никола Ѓорѓиев беше најдобар во нашата селекција со 25 поени, додека Владо Милев имаше 14 поени.

Следниот натпревар за Македонија ќе биде в среда против селекцијата на Турција.