По враќањето од Австралија, Меган Маркл и принцот Хари ги дочекало топло изненадување во нивниот дом во Калифорнија. Војвотката од Сасекс сподели на социјалните мрежи моменти од враќањето, откривајќи како нивните деца, принцот Арчи и принцезата Лилибет, ги развеселиле со симпатични знаци на внимание.

На снимката објавена на Инстаграм се гледа натписот „Добредојдовте дома“ поставен на влезот од нивниот дом, додека друга снимка открива куп сувенири од Австралија. Меѓу нив се популарните бисквити „Тим Тамс“, сликовници, налепници, книги за боење и рачно напишани пораки. Во еден момент, Меган смеејќи се посегнува по слатките, „крадејќи“ еден „Тим Тамс“ додека камерата поминува над подароците.

Меган и принцот Хари биле во Австралија за првпат од официјалната кралска турнеја во 2018 година. Патувањето започнало на 14 април и вклучувало комбинација од приватни, деловни и хуманитарни активности. Во текот на престојот, тие ги посетиле Мелбурн, Канбера и Сиднеј, каде што учествувале во настани посветени на менталното здравје, отпорноста на заедницата и поддршката на ветераните и нивните семејства.

На одредени настани, тие отворено зборувале за сопствените искуства. Принцот Хари признал дека „не ја сакал“ својата кралска улога по смртта на мајка си, принцезата Дијана, во 1997 година, додека Меган се присетила како некогаш била „најмалтретираната личност на светот онлајн“.

 

View this post on Instagram

 

A post shared by The Project (@theprojecttv)

Иако принцот Арчи и принцезата Лилибет не патувале со своите родители, очигледно биле во нивните мисли. Меган во текот на посетата на детската болница во Мелбурн ја запознала малата пациентка Лили, истакнувајќи дека е на иста возраст како нејзината ќерка, додека Хари добил подарок спортски дресови со имињата на неговите деца.

Патувањето формално не било кралска турнеја, со оглед на тоа што Меган и принцот Хари се повлекоа од кралските должности во 2020 година и се преселија во САД, но многумина забележале сличности со нивните поранешни службени должности.

ФОТО+ВИДЕО | Меган Маркл гостуваше на „Мастер шеф“ за време на нејзината посета на Австралија

ВИДЕО+ФОТО | Вилијам и Хари повторно еден покрај друг: Кејт и Меган во црно од глава до пети