Актерот од филмот „Дневникот на Бриџит Џонс“, Доналд Даглас, почина на 92-годишна возраст по кратко боледување. Легендарниот актер починал во болница минатата недела, опкружен со семејството и пријателите.

Доналд беше особено омилен по улогата во филмот „Бриџит Џонс“, каде што го толкуваше адмирал Дарси, таткото на ликот што на екранот го играше Колин Фирт.

Тој глумеше и во популарните телевизиски серии меѓу кои и „Доктор Ху“.

 

View this post on Instagram

 

A post shared by Austin & Howard Mutti-Mewse (@film_mewse)

Доналд Даглас е роден во 1933 година во Фалкирк, Шкотска. Студирал на Единбуршкиот колеџ за уметност, а потоа се приклучил на Кралската академија за драмски уметности (RADA) во Лондон.

Неговиот телевизиски пробив се случил кога добил улоги во адаптациите на романите на Волтер Скот, „Redgauntlet“ и „Rob Roy“.

Во текот на долгогодишната кариера на малите екрани, Доналд се појави и во „Би-би-си-“ сапуницата „EastEnders“, каде што го глумеше ликот Хју Ајткен.

Стануваше збор за кратко појавување, глумеше во само неколку епизоди, емитувани во април 1995 година.

По веста за неговата смрт, почнаа да пристигнуваат бројни пораки за збогување.