По раскошната свадбена прослава што ја организираа на крајот на јуни во Скопје, македонскиот репрезентативен голман Столе Димитриевски и неговата сопруга Ирина заминаа на меден месец во Палермо, Италија.

За своето свадбено патување тие ја избраа сицилијанската престолнина, каде што престојуваат во луксузниот хотел „Вила Иџеа“, сместен покрај морскиот брег и познат по панорамскиот поглед.

Освен што уживаат во одморот, го истражуваат и Палермо. Посетија музеи, историски вили стари неколку века и прошетаа низ градските знаменитости, а Ирина дел од атмосферата сподели и со своите следбеници на Инстаграм.

„На меден месец“, напиша таа покрај серијата фотографии, кои предизвикаа бројни позитивни реакции и комплименти.

Да потсетиме, Столе и Ирина стапија во брак во ноември 2025 година во Шпанија. По завршувањето на клупската сезона и репрезентативните обврски на голманот, на крајот на јуни организираа и голема свадбена прослава во Скопје. Двојката најпрво се венча во црква, а потоа прослави со семејството, пријателите и бројни гости, меѓу кои имаше и сегашни и поранешни македонски репрезентативци.