ФОТО | „Плукната“ на татко ѝ: Меган и Хари објавија фотографии од првиот роденден на Лилибет
Апсолутно сè околу доаѓањето на принцот Хари и Меган Маркл со децата во Лондон било внимателно испланирано и до најмал детаљ. А, се чекаше нивното заминување за Америка за конечно да бидат објавени фотографиите од нивната ќерка Лилибет Дијана Маунтбатен-Виндзор која го прослави својот прв роденден во Фрогмор Котиџ во Велика Британија.
View this post on Instagram
Војводата и војвотката од Сасекс, на задоволство на многубројните обожаватели, по повод првиот роденден прославен во Фрогмор Котиџ, а во текот на јубилејот на кралицата Елизабета Втора, објавија фотографија од малата Лилибет, а првите реакции на луѓето се дека малото девојче неверојатно личи на својот татко.
Веројатно причината лежи, пред сè, во портокаловата боја на косата, потполно иста како онаа на нејзиниот татко, принцот Хари, а за фотографијата позирала на тревата облечена во син фустан и со панделка во косата.
Хари и Меган одлучиле во саботата да приредат опуштена забава во градина за Лилибет, но не недостасувале балони, роденденски торти и добра забава.
View this post on Instagram
Честа да ги сними нејзините фотографии му припаднала на фотографот и семеен пријател Мисан Хариман, кој исто така, бил на пикникот, а членовите на кралското семејство ги поканиле Зара и Мајк Тиндал со нивните три деца – Миа, Лена и Лукас, како и ќерките на Питер Филипс и Отум Кели – Савана и Ајсла.
View this post on Instagram
Пристигнал и кумот на синот Арчи на Меган и Хари, Чарли Ван Штраубензи и неговиот брат Том, кој е кум на принцезата Шарлот. За тортата била задолжена Клер Птак, која веќе ја оправда довербата правејќи ја свадбената торта за принцот Хари и Меган Маркл.
Кејт Мидлтон и принцот Вилијам со своите деца, принцот Џорџ, принцезата Шарлот и принц Луис, како што рекол извор за „Entertainment Tonight“ не присуствувале на роденденската забава на Лилибет, бидејќи биле на претходно планираниот јубилеен настан во Велс, и „едноставно во прашање е случајност што двата настани се случиле во ист ден“.
Wishing Lilibet a very happy 1st birthday today! 🎂
— The Prince of Wales and The Duchess of Cornwall (@ClarenceHouse) June 4, 2022
Wishing a very happy birthday to Lilibet, turning one today! 🎈
— The Duke and Duchess of Cambridge (@KensingtonRoyal) June 4, 2022
На официјалните профили на Твитер на принцот Чарлс и Камила, како и на Кејт и принцот Вилијам осамнаа честитки по повод роденденот на Лилибет.
„Протокол си е протокол“: Принцот Хари и Меган успешно ги „избегнаа“ принцот Вилијам и Кејт
ФОТО | Кејт Мидлтон повторно покажа скромност: Со стајлингот ѝ оддаде чест на принцезата Дијана
Меган и Хари на ручек кај кралицата, конечно ја запознала малата Лилибет