ФОТО | Откриена причината за смртта на Бети Вајт: И Бајден се прости со трогателна порака од славната актерка
Цел свет го потресе смртта на познатата актерка и комичарка Бети Вајт, која почина 18 дена пред својот 100-ти роденден.
Почина легендарната актерка Бети Вајт на само денови пред нејзиниот 100-ти роденден
Сега се откриени нови детали за нејзината смрт. Полицијата во Лос Анџелес за магазинот „ЈуЕс викли“ изјавила дека отишле во домот на актерката во петокот, во 9:37 часот по локално време.
„Се чини дека е природна смрт без докази за насилство од каков било вид“, изјавила полицијата за „ЈуЕс викли“.
Агентот и близок пријател на Бети, Џеф Витјас, преку соопштение ја потврди веста за нејзината смрт.
– Иако Бети се приближуваше до стотката, мислев дека ќе живее вечно. Ужасно ќе ми недостасува, како и на животинскиот свет кој го обожаваше. Бети не се плашеше од смртта затоа што сакаше да биде со својот најмил сопруг Ален Луден. Таа веруваше дека повторно ќе биде со него – изјавил тој за магазинот „Пипл“. Инаку, таа се омажила за Луден во 1963 година, а тој почина во 1981 година. Бети зборувала дека тој е нејзината најголема љубов.
Бети зад себе остави неверојатно наследство како актерка, комичарка, авторка и активистка за правата на животните. Нејзината смрт шокираше многу обожаватели и колеги кои се простија и ѝ оддадоа почит на холивудската икона.
Популарната водителка Елен Деџенерис објави трогателна порака на Твитер по повод смртта на актерката.
„Каков исклучителен живот. Благодарна сум за секоја секунда што ја помив со Бети Вајт. Ја испраќам сета моја љубов до нејзиното семејство, пријателите и до сите вам“, напишала Елен.
What an exceptional life.
I’m grateful for every second I got to spend with Betty White.
Sending love to her family, friends and all of us.
— Ellen DeGeneres (@TheEllenShow) December 31, 2021
Трогателна порака до славната Бети испрати и американскиот претседател Џо Бајден.
„Бети Вајт им донесе насмевка на генерации Американци. Таа е културна икона која многу ќе ни недостига. Џил и јас мислиме на нејзиното семејство и на сите оние кои ја сакаа оваа новогодишна ноќ“, напишал американскиот претседател.
Betty White brought a smile to the lips of generations of Americans. She’s a cultural icon who will be sorely missed. Jill and I are thinking of her family and all those who loved her this New Year’s Eve.
— President Biden (@POTUS) December 31, 2021
Холивудскиот актер Рајан Рејнолдс ја разнежни публиката со трогателна објава на Твитер.
„Светот сега изгледа поинаку. Таа многу добро им пркосеше на очекувањата. Успеа да остари многу и некако, недоволно. Ќе ни недостигаш, Бети. Сега ја знаете тајната“, напишал тој.
The world looks different now. She was great at defying expectation. She managed to grow very old and somehow, not old enough. We’ll miss you, Betty. Now you know the secret. pic.twitter.com/uevwerjobS
— Ryan Reynolds (@VancityReynolds) December 31, 2021
Пејачката Шер со неколку твитови ја сподели тагата за легендарната актерка.
„Ја гледав во нејзиното прво ТВ-шоу „Живот со Елизабет“ кога имав седум години“напишала Шер и додала:
„Некои луѓе се нарекуваат ИКОНИ, Бети е вистинска икона.“
BELOVED ICON,
YOU’RE LIKE🎂,YOU WILL NEVER BE FORGOTTEN💋 pic.twitter.com/74WnRrsFvl— Cher (@cher) January 1, 2022
Минатата недела, таа ги покани сите на нејзиниот 100-ти роденден, кој требаше да се одржи на 17 јануари 2022 година, со прикажување на документарен филм наречен „Бети Вајт: 100 години млада – роденденска прослава“.