ФОТО: Нов сериозен удар за Барса – без Жоао Феликс во „Ел Класико“?!
Барселона ја забележа третата последователна победа во групната фаза од Лигата на шампионите и е блиску да се пласира во осминафиналето по пауза од две сезони, но триумфот го загорчи повредата на еден од најважните играчи, непосредно пред „Ел Класико“.
Тренерот Чави Ернандез и неговиот стручен штаб добија сериозен удар пред следниот меч против Реал Мадрид кој ќе се игра в сабота (28 октомври) од 16.15 часот.
Жоао Феликс поради повреда мораше порано да го заврши натпреварот против Шахтјор.
Португалецот е играчот кој ова лето пристигна на позајмица од Атлетико Мадрид, а конечно во Барса ја најде старата добра форма, станувајќи еден од најважните играчи во каталонската екипа.
Жоао Феликс доби лекарски помош на теренот, се обиде да продолжи, но не можеше. Едвај замина кон соблекувалната, а наместо него во игра влезе Марк Гију.
Според најавите Жоао Феликс најверојатно нема да може да игра против Реал, а за Барса неговата повреда е уште поголем удар ако се земе предвид дека на листата повредени се и Френки Де Јонг, Роберт Левандовски, Кунде, Рафиња, Педри и Серхи Роберто.