Ретка семејна фотографија од Бени Шаќири и неговата сестра Нора Шаќири се појави на социјалните мрежи, а ја сподели нивната мајка Изета Радончиќ-Шаќири.

На фотографијата, познатиот рокер и директор на Младински културен центар е заедно со Нора, братот Денис и нивната мајка. Под објавата стои краток, но силен опис: „Мојата лична карта“ – порака со која Изета јасно става до знаење дека нејзините деца се нејзиниот најголем идентитет.

Во претходно интервју за „Слободен печат“, Бени зборуваше за личните вредности и погледот кон животот. Тој истакна дека секое утро му се заблагодарува на Бога за нов ден, но и дека живееме во време кога технологијата веќе нè контролира повеќе отколку што сме свесни. Притоа се повика и на Рамбо Амадеус, кого го нарече „најмудриот човек на Балканот“, посочувајќи дека мудроста доаѓа со искуство и „наредување на коцкичките“.

Приватно, Бени е сопруг на Лиса Баута Шаќири и татко на два сина – Бен (12) и Мик (14). Помладиот син Бен неодамна учествуваше во шоуто „Албанија има талент“, каде настапи со гитара. Неговата мајка објави видео од изведбата, велејќи дека „ја оставил душата на сцената“, додека Бени со доза хумор прокоментира: „На мајка му е цел“.

Семејната фотографија што ја објави Изета не е само носталгичен момент, туку и потсетник дека зад јавните улоги и титули стои едно блиско, цврсто семејство.