ФОТО | „Мече на Марс?“: Орбитер на НАСА улови необична глетка на „Црвената планета“
Орбитерот „Марс реконесенс“ на американската Национална аеронаутичко-вселенска управа (НАСА), снимајќи ја површината на Марс улови „лице на мече“, објави „Си-ен-ен“.
На фотографијата направена со камерата „High Resolution Imaging Experiment“, јасно се гледа необичната геолошка формација. Кружниот облик на работ, за кој се претпоставува дека се некакви пукнатини околу вулкан, „ја одразува“ главата на мечката, два плитки кратера ги оцртуваат очите, а возвишението во облик на превртено „Г“, веројатно, вулкански отвор, или пак, насобрана кал, наликува на муцка. Овој своевиден куп може да е последица на таложење на самиот врв на закопаниот кратер кој бил исполнет со лава или кал.
Универзитетот во Аризона, што ја разви камерата со компанијата „Бол аероспејс“, ја објави сликата.
HiPOD: A Bear on Mars?
This feature looks a bit like a bear’s face. What is it really?
More: https://t.co/MpLQBg38ur
NASA/JPL-Caltech/UArizona#Mars #science #NASA https://t.co/2WUNquTUZH pic.twitter.com/1k2ZnLcJ5o
— HiRISE: Beautiful Mars (NASA) (@HiRISE) January 25, 2023
Камерата „High Resolution Imaging Experiment“ го фотографира Марс од 2006 година, кога орбитерот „Марс реконесенс“ почна да ја обиколува „Црвената планета“. Моќната камера е дизајнирана да ја слика површината на Марс, со прилично голема прецизност.
Леталото прави круг околу Марс за 112 минути, со брзина од околу 255 километри над неговиот јужен пол или 320 км над северниот пол. Орбитерот ѝ служи на НАСА за проучување на атмосферата, времето и климата на Марс.
Исто така, бара докази за вода, мраз и сложен терен и места за можните идни мисии.
Повеќе на темата:
НАСА и Пентагон работат на ракета на нуклеарен погон за патување до Марс
Успех на НАСА: Пронајде мала планета на која може да се живее
Научниците објаснија: Која билка би можела да нè прехрани на Марс?