Ковчегот на кралицата Елизабета Втора вчера пристигна во Бакингемската палата, а нејзините најблиски се собраа да оддадат почит.

По тој повод, секако повторно во центарот на вниманието се најдоа сопругите на принцовите Вилијам и Хари, Кејт Мидлтон и Меган Маркл.

Имено, идната принцеза Кејт искажала почит кон кралицата носејќи бисерни обетки на овој ден, а добро е познато дека кралицата беше љубител на бисерен накит. Накитот од бисери ги претставува аристократските доблести на либералност, величественост и дарежливост.

Многумина го поздравија овој гест на Кејт Мидлтон и коментираа дека е јасно дека отсекогаш ја почитувала Елизабета Втора, а притоа и дека искрено жали за неа.

Покрај бисерните обетки Мидлтон носеше и брош од кралската колекција накит, кој беше меѓу омилените на Елизабета.

Од друга страна, иако и Меган Маркл на сличен начин и оддаде почит на бабата на нејзиниот сопруг фановите на кралското семејство повторно ја нападнаат Војводката од Сасекс.

Имено, Меган сакајќи да и оддаде почит на кралицата носела бисерни обетки кои биле подарок од Елизабета.

Причината зошто потегот на Маркл ги налути луѓето е тоа што таа и кралицата наводно не биле во добри односи.

Познато е дека Меган и Хари се откажаа од своите титули и ја напуштија Велика Британија на почетокот на 2019 година, а моментално живеат во Калифорнија со своите деца.

Тогаш многумина ја обвинија актерката за сè, обвинувајќи ја дека го „одделила Хари од неговото семејство“.