Српската пејачка Јелена Карлеуша на Инстаграм ја повика Ким Кардашијан и ја обвини дека го ископирала нејзиниот стајлинг. Имено, таа тврди дека нејзиниот дизајнер го копирал дизајнот за комбинезонот кој таа сама го смислила, а Ким неодамна објави фотографија со многу сличен комбинезон, само во поинаква боја.

Карлеуша неколку пати ја промени својата порака и на крај ја избриша. Во првата верзија таа ја повика Ким лично.

„Ок, ова едноставно не е фер. Ова е мој личен дизајн. Барем потпиши ме или прашај ме за соработка“, напиша таа и ја означи Ким во објавата.

Набрзо таа го промени текстот и напиша:

„ОК, ќе го обвинам дизајнерот. Но, барем потпиши ме. Да, често лично ја дизајнирам облеката за своите настапи. Многу светски познати фаци и дизајнери буквално го крадат тоа што ќе го креирам без никаква дозвола“, напиша Јелена покрај фотката од себе и Ким во речиси истиот комбинезон, а на својата фотка стави и датум – 15 октомври 2020.

 

View this post on Instagram

 

A post shared by JELENA KARLEUŠA (@karleusastar)

Инаку Ким својата фотографија ја објави вчера. Истата фотографија на својот Инстаграм ја сподели и дизајнерот Ла Кван Смит на кој во коментарите му пишаа бројни фанови на Карлеуша поради наводната кражба на дизајнот. Во кавгата се вклучија и фановите на дизајнерот тврдејќи дека тој својот дизајн го претставил на ревијата на Вог во септември 2020 година и дека Карлеуша е таа која го украла дизајнот.

 

View this post on Instagram

 

A post shared by Kim Kardashian West (@kimkardashian)

Карлеуша во меѓувреме додаде коментар во својата објава.

„Тој има нешто слично, но не идентично. Тврди дека го измислил пред пет месеци. Па и јас можам да кажам дека сум го измислила пред три години“, напиша таа.