Италијанската дива Моника Белучи, 61, повторно покажа како се носи вистински гламур на црвениот тепих. За овогодинашните награди БАФТА, таа избра луксузен ѓердан од колекцијата накит на „Картие“, украсен со дијаманти и асиметрично поставени сафири, кој го комбинираше со драматичен црн фустан со отворени рамена од Стела Мекартни.

Иако не беше во конкуренција за награда оваа година, Белучи нè потсети само со едно појавување зошто е една од најхаризматичните жени во филмскиот свет – и зошто накитот на неа изгледа како да е направен по мерка за нејзината личност.

Актерката е долгогодишно лице на куќата „Картие“ и често нагласува дека накитот е многу повеќе од спектакуларен моден додаток за неа, за неа тоа е емоција, сеќавање и дел од нејзиниот идентитет. Како тинејџерка, гледајќи ги нејзината мајка и баба како се подготвуваат и како последен детаљ, ставаат накит пред да излезат, таа научила дека едно парче накит може целосно да го промени однесувањето на жената и начинот на кој таа ја носи својата женственост.

Не е случајно што Белучи е единствената жена, покрај легендарната актерка Марија Феликс, која го носеше познатиот крокодилски ѓердан од „Картие“ на црвениот тепих, а во 2019 година, таа исто така прошета во посебна реинтерпретација на тој дизајн, украсен со дијаманти и смарагди, во Кан.