На натпреварите кои се одржаа на 23 и 24 јули од 1. коло на Европскиот Куп на реката Ноче во Мецана, Италија македонската репрезентација забележа одлични резултати во Спринт натпреварот со пласман на Александар Златаров на седмото место и Љубомир Спасиќ на 11 место во финалето, Енис Небиовски заврши на 21 позиција.

Забележителен е и настапот во тимското возење со пласманот на четвртото место. На настапите на Класик натпреварот на 4км. најдобро пласиран од македонскиот состав беше Небиовски на 17 место, веднаш зад него на 18 место Спасиќ и 20 место за Златаров.

Во тимскиот настап се пласираа на четвртото место со што го завршија настапот на 1. коло од Европскиот Куп.

Истиот состав на македонската репрезентација во спуст заминува во Шпанија каде ќе настапи на Европско првенство за сениори.