ФОТО: Димитријевиќ со ново големо признание во Еврокупот!
Годишното „истражување“ на Евролигата за првиот, регуларен дел од сезоната, кое го реализираат генералните менаџери на тимовите во Еврокупот е тука!
На крајот на првата, групна фаза од сезоната, на луѓето кои раководат со клубовите учесници во второто според квалитет натпреварување, им беа поставени серија на прашања во врска со играчите и тимовите кои се дел од натпреварувањето.
Меѓу темите што беа разгледани беа нивните фаворити за влез во финалето на Еврокупот, нај изненадувачкиот тим, најдобриот тренер и најдобрите играчи во различни категории..
Во една од нив, насловена како „Ѕвезди во подем“ е и она на македонскиот репрезентативец Ненад Димитријевиќ кој ги брани боите на шпанската екипа Хувентуд. Генералните менаџери кои се дел од Еврокупот, во овој момент сметаат дека нашиот кошаркар е втор најдобар млад играч во ова натпреварување.
Виктор Вембанјама од Нантер доби 20.8% од гласовите додека организаторот на играта на Хувентуд има 16.7% во анкетата на Еврокупот, што е доказ плус за растот на младиот Македонец во една ваква, силна европска конкуренција.