ФОТО: Бранковски го освои 21 место, без финале на Олимписките игри во Токио
На Летните олимписки игри во Токио во 06.00 часот наутро по средноевропско време настапи првиот македонски олимпиец, Борјан Бранковски во дисциплината 10 метри воздушен пиштол.
Во квалификациите нашиот натпреварувач успеа да го освои 21 место од вкупно 36 натпреварувачи.
Бранковски успеа да погоди вкупно 573 кругови, во третата серија (од вкупно шест) беше најдобар со 98 кругови. Само пет кругови Борјан пропушти влез во финалето и борба за олимписки медал. Со овој резултат, најдобриот македонски стрелец (24 години) докажа дека и тоа како има потенцијал и висок квалитет за уште поголеми дострели на меѓународен план.
Најдобар резултат во квалификациите имаше Шаудари Саураб од Индија со 586 кругови.
Најдобрите осум обезбедија пласман во финалето, а резултатите можете да ги погледнете ТУКА
Следниот ден на 25 јули во 04.00 часот по средноевропско време, Арбреша Реџепи ќе го има својот настап во женскиот џудо турнир за натпреварувачки до 52 килограми.