ФОТО | Бил Гејтс ќе стане дедо, ќерка му Џенифер го очекува првото дете
Џенифер Гејтс го очекува своето прво дете со сопругот Најел Насар, пишува „Дејли мејл“.
Имено, 26-годишната ќерка на милијардерот Бил Гејтс и неговата поранешна сопруга Мелинда ја откри радосната вест на Денот на благодарноста, објавувајќи фотографии на кои го покажа трудничкото стомаче и на кое позира со сопругот.
„Благодарна“, стои во описот на фотографиите.
View this post on Instagram
Мајка ѝ Мелинда ѝ напиша емотивен коментар: „Не би можела да бидам повозбудена што ќе го запознам ова малечко и што ќе ве видам вас двајца како станувате родители“.
Бебето на Џенифер и Најел ќе биде првото внуче на Бил и Мелинда, кои се разведоа во 2021 година, по 27 години брак.
Како потсетување, Џенифер и Најел стапија во брак во октомври минатата година, а нив ги спои љубовта кон коњите и јавањето и извесно време тие се натпреваруваа низ целиот свет.
View this post on Instagram