Светски познатата пејачка Бебе Реџа, со етничко албанско потекло од Македонија, јавно ги поддржа студентите Албанци кои за денеска најавија нов протест во Скопје со барање правосудниот испит да се полага и на албански јазик.

Реџа се огласи преку Инстаграм, каде што сподели порака за значењето на албанскиот јазик и повика на поддршка за студентите.

„Нашиот албански јазик е длабоко вкоренет во нашиот идентитет. Со генерации се боревме да го зачуваме и да го одржиме во живот.
Северна Македонија е мултиетничка држава изградена врз коегзистенција и еднакви права за сите нејзини заедници, каде што албанскиот јазик е признаен како коофицијален јазик“, напиша пејачката.

Ова ќе биде втор протест на дел од студентите Албанци, откако еден се одржа минатиот месец пред Министерството за правда и Владата.

Во меѓувреме, поддршка за студентите дадоа и политичари од албанскиот блок, како и функционери од Албанија и Косово.

ВРЕДИ: Со законот за правична застапеност ги носиме Албанците во центарот на институциите, каде што припаѓаат