Формула 1: Откажана трката за Големата награда на Јапонија
Формула 1 објави дека трката за Големата награда на Јапонија на патеката Сузука, која беше закажана за 10 октомври, нема да се одржи.
Јапонија беше 17 трка по ред во овогодинешниот Ф1 календар, од вкупно 23 колку што се планираа.
Но, поради зголемувањето на бројот на заразени со коронавирус во оваа земја, организаторите одлучија да ја откажат трката.
– Одлуката ја донесе јапонската влада поради компликации предизвикани од пандемијата. Формула 1 работи на деталите за променетиот календар и сè ќе биде познато во следните неколку недели – стои во соопштението.
Оваа сезона трките во Сингапур, Канада и Австралија беа откажани од истите причини, а трката во Кина беше одложена.
BREAKING: The 2021 Japanese Grand Prix has been cancelled
速報:2021日本グランプリ中止#JapaneseGP 🇯🇵 #F1 pic.twitter.com/LtdJtiYY2E
— Formula 1 (@F1) August 18, 2021