Откако граѓаните по социјалните мрежи објавија фотографии од празната шаховска табла поставена на Зелениот кров во ГТЦ,  денеска фигурите беа изнесени од магацинот каде беа чувани преку зима. Можеби причината за тоа е што деновиве времето надвор е сончево и пријатно и погодува за посетителите во ГТЦ да се релаксираат со шах на отворено, а можеби причината што фигурите се најдоа на таблата е реакцијата на граѓаните.

Она што е интересно и на кое сега реагираат познавачите на шахот, е што фигурите се поставени погрешно на таблата. Имено, кога се редат белите фигури задолжително топот кој се наоѓа на десната позиција треба да стои на бело поле, тоа е правило. Тоа не важи за шаховската табла на зелениот кров. Па доколку фигурите се поставени само како украс, во ред е, но доколку треба да послужат за намената поради која е ставена таблата и за помладите да ја научат оваа древна игра, тогаш треба да се поведе повеќе грижа.

Можеби не е лошо фигурите да ги нареди некој што знае да игра шах.