Феноменалниот Нено Димитријевиќ, постигна 40 поени против ЦСКА Москва
Уште еднаш еден од најдобрите македонски кошаркари Ненад Димитријевиќ покажа зошто и сезонава се наоѓа во одлична натпреварувачка форма.
Денеска во новиот натпревар од ВТБ лигата екипата на Уникс Казан на домашен терен со 88:78 ја совлада ЦСКА Москва на нашиот тренер Емил Рајковиќ.
Најзаслужен за победата на Уникс Казан беше Димитријевиќ кој постигна дури 40 поени (8/11 од поле, 7/9 за три поени, 3/4 од слободните фрлања).
Воедно нашиот плејмејкер за 35 минути поминати на паркетот запиша и најмногу асистенции, вкупно девет, шест скокови и две украдени топки.
Од тимските колеги најблиску до Димитријевиќ беше Џејлен Рејнолдс со 22 поени (пет скокови), а на спротивната страна со 21 поен се истакна Мело Тримбл со 21 поен (шест асистенции).
За прв пат во својата клупска историја Уникс Казан е победник во регуларниот дел од сезоната во ВТБ лигата.