Роверот „Љубопитност“ на американската Национална аеронаутичко-вселенска управа (НАСА), што се наоѓа на Марс, наиде на уште едно фасцинантно откритие додека ја истражуваше површината на планетата.

Имено, роверот откри необично парче метеорит, кој главно се состои од никел и железо. Од НАСА му го дадоа името „Какао“.

Никелните и железните метеорити се меѓу најретките видови и сочинуваат околу шест отсто од познатите метеорити.

„Какао“ и визуелно се издвојува од својата околина. Имено, површината на Марс е црвена поради оксидите, а метеоритот е темно-сив и изгледа како метал. Освен тоа, тој е прилично мазен и заоблен во одредени делови, што укажува дека минал низ атмосферата на планетата пред да се забие во нејзината површина.

Иако атмосферата на Марс е многу потенка од онаа на Земјата, таа сепак создава доволно триење за да ја загрее површината на метеоритот. Вдлабнатините на „Какао“ најверојатно биле создадени од загревањето што делумно го стопило металот додека паѓал низ атмосферата.

Rock. Rock. Rock. Rock. Rock. Rock. METEORITE!

It’s not uncommon to find meteorites on Mars – in fact, I’ve done it a few times! (see 🧵) But a change in scenery’s always nice.

This one’s about a foot wide and made of iron-nickel. We’re calling it “Cacao.” pic.twitter.com/I37HiGjN2t

— Curiosity Rover (@MarsCuriosity) February 2, 2023

Повеќе научни откритија:

Откриени нови дванаесет месечини што кружат околу Јупитер

„Мече на Марс?“: Орбитер на НАСА улови необична глетка на „Црвената планета“

Успех на НАСА: Пронајде мала планета на која може да се живее