Кошаркарите на Олимпијакос се пласираа вечерва на завршниот турнир во Евролигата, совладувајќи го Монако со 94:88 во петтиот одлучувачки натпревар од четвртфиналната плеј-оф серија (3:2).

Најефикасен во грчката екипа беше Мекисик со 18 поени, еден помалку запиша Волкап, Дорси имаше 16 поени, а 15 беа дело на Слукас.

На спротивната страна Џејмс забележа „дабл-дабл“ учинок од 24 поени и 10 асистенции, потоа Уатара постигна 15, а Ли 14 коша.

Така, се формираа полуфиналните двојки на Фајнал-фор турнирот кој ќе се одржи на 19-21 мај во Белград, Србија.

На 19 мај се полуфиналните мечеви, Барселона ќе ги одмери силите против Реал Мадрид, а Олимпијакос за ривал го има Анадолу Ефес.