Актуелните македонски шампиони, ракометарите на Еурофарм Пелистер на гостински терен со 32:25 славеа над Охрид за пласман во полуфиналето во Купот.

По првото полувреме екипата од Битола имаше само два голови предност од 18:16.

Во победничките редови доминираше Кузмановски со осум голови, а еден помалку запиша Радивојевиќ.

На спротивната страна словенечкиот интернационален Цирар шест пати се најде во листата на стрелците

На Фајналфор ќе биде и тимот на Тиквеш кој со 32:28 го совлада Мулти Есенс. По пет голови за претставникот од Кавадарци имаа Манасков, Мајиќ и Стефановиќ, а за Мулти Есенс Костовски забележа седум погодоци.

Останатите полуфиналисти во ова натпреварување ќе ги дознаеме по одигрувањето на мечевите Бутел Скопје – Алкалоид и Вардар – Голден Арт.