Британската пејачка Ели Голдинг потврди дека го очекува своето второ дете, а прво со нејзиниот 10 години помлад дечко. Таа го покажа својот труднички стомак на црвениот тепих на доделувањето на Модните награди 2025, што се одржа во лондонскиот Ројал Алберт Хол.

Ели е во врска со 28-годишниот Бо Миниар околу шест месеци. Новата љубов доаѓа по нејзиниот развод од трговецот со уметнички дела Каспар Џоплинг, со кого беше во брак пет години и со кого го има четиригодишниот син, Артур.

Пејачката ја потврди својата врска со Бо во септември, а извор за „Дејли мејл“ истакна дека се многу заљубени и дека е прекрасно да се види колку се среќни заедно.

Бо е британски актер и модел, роден на 30 мај 1997 година. Својата кариера ја изградил преку телевизиски и филмски улоги, вклучувајќи проекти како „Ноќ во Игл Ин“ и „Лоша фризура“. Покрај глумата, тој се занимава и со манекенство.

ВИДЕО | Ели Голдин погодена на концерт: Пиротехничко средство од публиката ѝ влета во лицето