Во потрага по вечниот младешки изглед, експерти од естетската клиника „Созо“ составија листа од пет специфични намирници за кои е познато дека ги забавуваат видливите знаци на стареење и даваат младешки сјај на кожата.

Акцентот е ставен на важноста да се избере исхрана богата со хранливи материи како што старееме, а наведените намирници се подеднакво достапни колку што се корисни, пишува „Би-ен-ен“.

Јаткасти плодови

На врвот на листата се бадемите, оревите и ф’стаците. Познати по нивната висока содржина на селен, овие јаткасти плодови се тајно оружје за чиста кожа и намалување на акните. За блескава кожа доволна е грст на ден.

Зелен сок

Следен на листата е зелениот сок, моќна мешавина од зелен зеленчук и овошје. Овој пијалок е полн со витамини, минерали и антиоксиданси кои придонесуваат за целокупното здравје и виталност на кожата.

Ѓумбир

Познат е по своите антивоспалителни својства, нудејќи ослободување од кожни заболувања како што се егзема и розацеа. Со вклучување на ѓумбир во исхраната, можеме да постигнеме здрава, витална кожа.

Морков

Богат со витамин А, го стимулира обновувањето на клетките и го спречува сушењето на кожата. Тоа е особено важно за време на постудените месеци, кога кожата е склона кон сувост и лупење.

Боровинки

Боровинките се познати по нивната способност да го поттикнат производството на колаген. Ова доведува до зголемена еластичност на кожата, придонесува за помлад изглед и значително ги намалува фините линии и брчките.

Експертите ги истакнуваат овие пет намирници кои се богати со витамини, минерали и антиоксиданси, и нудат придобивки како чиста кожа, рамнотежа на имунитетот, обновување на клетките и зголемена еластичност, кои заедно придонесуваат за видливо намалување на знаците на стареење.