Економски импликации од коронавирусот врз берзата и цената на нафтата

Турбуленциите кои може да произлезат и веќе се навестуваат од стопирањето на економската размена, финансиските текови, падот на берзите и она што во овој момент странично се игра помеѓу Саудиска Арабија и Русија со намалување на цената на барелот на светските берзи, како и актуелната состојба на Македонската берза беа дел од темите за кои во „Утрински брифинг“ анализираше Костадин Костадиновски, еден од менаџерите на „Илирика“.

-Турбулентни денови на светските берзи а и во самите еконимии. Би рекол дека некои првични проекции околу економските движења се такви што говорат дека оваа епидемија (Коронавирус) ќе предизвика забавување на економијата. Во прва фаза се збореше за некоја бројка од 0,3 забавување на кинеската економија, 0,2 – 0,3 во европските земји и 0,1 посто во Америка. Тоа значи дека ако во Кина се планирал економски за раст за 5,5 посто со ескалација на вирусот тој економски раст би бил 5,2%. Светската еконимија губи и вредноста на средства кои котираат на берзата се намалени за отприлика две илјади милијарди долари, рече Костадиновски.

Тој истакна дека берзите некогаш реагираат и пред самите настани.

-Сега влегуваме во еден период на неизвесност, а тоа е период кој што најсилно се одразува врз движењата на берзите. Кога ќе внесете некоја берза или економски систем во неизвесност тогаш сите планирања паѓаат во вода и се се работи на шпекулација и емоција. Она што е важно да се спомене е дека берзите реагираат дури некогаш и пред самите настани. Тоа вообичаено е период од три до девет месеци пред де факто да излезат некои економски податоци. Па од таму можеби е проценката на чинителите на транскациите во берзата, а тоа се инвеститорите, кои одат во насока на нивните очекувања кои што би се случувале во одреден период, изјави Костадиновски.

Коронавирусот има економски импликации врз берзата, но и цената на нафтата.

-Пред два дена имавме „црн понеделник“, еден остар удар на берзите, вклучително и на македонската берза, иако вчера доста од тие загуби се компензираа во текот на денот. Но зошто ова се случува – првично е епидемиолошкиот момент со развојот на настаните со Корона вирусот и економските импликации од тој вирус, радикалното ширење низ светот и на тоа се надоврза ценовната војна на земјите од ОПЕК со нафтата која што се тргува од 1991 година, оценува Костадиновски .

Кина е пример за место каде се одмеруваат силите на производителите на нафта.

-Значи Кина забавува, тоа значи дека помалку саудиска нафта ќе се користи во таа земја. Тоа значи дека имаме понуда, а помала побрувачка. Тоа се оние 0,2-0,3 посто. Значи имаме комбинација од Корона вирус (намалена побарувачка) и одмерување на силите на големите производители на нафта, поентираше гостинот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот