Најдобрата светска атлетичарка во трискок, Јулимар Рохас нема да може да учествува на Летните Олимписки игри во Париз поради повреда на ахиловата тетива.

Според информациите атлетичарката од Венецуела, олимписка шампионка и светска рекордерка се повреди на тренинг. Повредата не е наивна и нема да го брани олимпиското злато во Париз.

Рохас е една од најтрофејните атлетичарки на 21 век, покрај олимпиското злато од Токио, таа освои и сребро во Рио де Жанеиро во 2016 година.

Има четири титули светски шампион на отворено и три во сала. Беше првопласирана во Дијамантската лига во 2021, 2022 и 2023 година. Го постави актуелниот светски рекорд од 15,67 метри на Олимписките игри во 2021 година, а во сала една година подоцна на Светското првенство во Белград од 15,74 метри.

– До мојата Венецуела, до семејството на Олимпиското и спортското движење, особено до моите фанови. Сакам да ве информирам дека нема да можам да учествувам на Олимписките игри во Париз 2024 – стои во дел од објавата на Рохас на социјалните мрежи.