Изминатиот викенд, во Пирот, Србија, се одржа третиот меѓународен џудо турнир „Победникот на Пирот – 2026″ во организација на Џудо клуб Ипон – Пирот.

На турнирот настапија околу 420 натпреварувачи од 44 клуба од пет држави, што го прави настанот еден од позначајните во регионот.

Македонскиот џудо клуб Сеишин настапи со седум натпреварувачи и оствари одличен резултат, освојувајќи вкупно пет медали од кои еден златен, и по два сребрени и бронзени.

Поединечни резултати:
Јована Цветкоска – 1 место
Иван Јошески – 2 место
Христијан Бунески – 2 место
Ангел Стојовски – 3 место
Дино Кулевски – 3 место

Одлични борби и голема борбеност прикажаа и Марко Марковски (петто место) и Арсениј Димески, кои за малку не успеаја да се закитат со медал. Екипата на турнирот во Пирот беше предводена од тренерите Мартин Ристески и Сашо Димовски.

Ова беше втор настап на ЏК Сеишин во новата натпреварувачка сезона, а воедно и први освоени медали за 2026 година, што претставува одличен старт и силна мотивација за понатаму.