Докторот на Марадона: Горд сум на сè што направив, немам што да кријам!
Веста дека личниот лекар на Диего Армандо Марадона, Леополдо Луке, е под истрага за смртта на славниот Аргентинец кој почина на 25 ноември, звучеше како „бомба“ во Аргентина.
Според аргентинските медиуми, Луке сè уште не е обвинет, но за време на судењето му биле прочитани неговите права.
– Сакате да знаете зошто сум одговорен? За фактот дека го сакав, дека се грижев за него, што му го продолжив животот и го направив подобар. Јас сум неврохирург. Се грижев за него по операцијата. Горд сум на сè што направив. Немам што да кријам. Му стојам на располагање на правосудството – рече Луке на прес-конференцијата.
Воедно додаде дека Марадона не сакаше да соработува со цел да се опорави што е можно побрзо по операцијата која ја имаше пред неколку недели.
– Требаше да оди на рехабилитација. Марадона мораше да биде сместен во центар за рехабилитација. Но, тој не сакаше. Него не можевте да го наговорите за нешто. Дури и не сакаше помош од физиотерапевт. Психијатарот побара брза помош секогаш да биде пред неговата куќа. Не знам кој е виновен за тоа што немаше итна помош тој ден – додаде Луке.
ВИДЕО: Лани го прашаа Марадона, кој е најдобриот фудбалер на сите времиња?
ВИДЕО: Неверојатно, Меси постигна скоро ист гол како Марадона!