ВИДЕО: Лани го прашаа Марадона, кој е најдобриот фудбалер на сите времиња?
Светот тагува поради смртта на еден од најголемите во фудбалската игра, Диего Армандо Марадона.
Некои повозразни ќе кажат дека Бразилецот Пеле е подобар од сите, или пак денес од помладите генерации ќе кажат Лионел Меси или Кристијано Роналдо, но кој е на врвот според Марадона?
Аргентинецот минатата година во интервјуто за „TyC Sports“ ги изненади сите со својот одговор, иако многумина мислеа дека ќе се одвои токму тој познавајќи го неговиот карактер.
Што се случувало во домот на Марадона, болничарката фатена во лага
– Мислам дека најдобар на сите времиња е Алфредо Ди Стефано. Беше подобар од сите, дури и од мене – беа зборовите на Марадона.
Ди Стефано беше „Марадона пред Марадона“, легендарниот член на Ривер плејт, Милионариос, Уракан, Реал Мадрид и Еспањол, а воедно играше за дури три репрезентации Аргентина, Колумбија и Шпанија.
– Пеле не сакаше да признае дека Ди Стефано е суперталентиран. Пријателите на Пеле измислија посебен трофеј за него како жива легенда на фудбалот. Дури јас самиот го победив Пеле во Рио за наградата најдобар на сите времиња – додаде Марадона.