Хотелот со пет ѕвезди, „Риад Риц-Карлтон“ е најпознат по тоа што беше центар на насилна репресија од страна на саудиската држава во 2017 година, кога стотици членови на кралското семејство, тајкуни и министри беа приведени, од кои многумина беа претепани и мачени таму. Тоа беше токму местото што ќерката на Ендру Маунтбатен Виндзор, принцезата Беатрис, го избра за својот попладневен чај.

И, додека Британија се бори со судбината на нејзиниот татко, на кого сега му се одземени титулите од кралот Чарлс Трети, Беатрис се обидува да спаси што може, пишува „Дејли мејл“.

Не е познато дали пристигнала во Саудиска Арабија со редовна авиокомпанија или приватен авион, или дали добила хонорар за настапот, но принцезата Беатрис беше третирана како ВИП гостин меѓу собраните членови на кралското семејство, директори и банкари, а подкастерот Сунил Шарма позираше за селфи со неа.

Шпекулациите веќе започнаа во 2008 година дека тогаш 19-годишната Беатрис се подготвува за слични дипломатски улоги. Во тоа време, нејзиниот татко, поранешниот принц Ендру, ја однесе на 14-дневно патување во Абу Даби и Египет, кое беше финансирано од британските даночни обврзници, но Беатрис во тоа време не се појави јавно.

Сега, неколку години подоцна, Беатрис е видена во лобито на „Риц-Карлтон“, облечена во долг црн фустан и црни чевли, со машна во косата, како го проверува телефонот. Мајката на две деца, која е активна во ИТ и софтверски компании, беше домаќин на настан насочен кон жени лидери во бизнисот.

Многу присутни на настанот во Ријад беа љубопитни дали Беатрис воопшто ќе присуствува, со оглед на превирањата во семејството. Ендру и неговата поранешна сопруга Сара Фергусон беа ефикасно отстранети од кралското семејство откако беше откриено дека лажеле за прекинување на контактот со милијардерот педофил Џефри Епштајн. Не им беше лесно на нивните ќерки, Беатрис и Јуџин.

– Секако не беше лесно да се организира чајанка. „Никој не би ја обвинил ако се откажеше, но таа беше решена да го одржи настанот и мислам дека луѓето го почитуваа тоа – рекол еден од присутните на конференцијата.

Не е познато што се случувало зад затворените врати на попладневниот чај за жени во еxecutive lounge на хотелот. Но, врз основа на нејзиното претходно појавување во Абу Даби, може безбедно да се претпостави дека Беатрис имала можност да се сретне и со клучните регионални играчи таму, како и да разговара за вештачката интелигенција и да учествува на приватни состаноци со високи функционери и извршни директори на мултинационални компании.

Принцот Ендру под истрага, Сара Фергусон обвинета за злоупотреба: Поранешниот кралски пар може да биде протеран од Британија