До крајот на годината сите работници треба задолжително да го добијат регресот за годишен одмор, познат како К-15.

Законот пропишува дека минималната висина на регресот изнесува 40 отсто од просечната исплатена плата. Оваа година, износот за приватниот сектор е 18.141 денар, а за јавниот сектор 12.372 денари. Работодавците имаат обврска да ја извршат исплатата најдоцна до 31 декември.

Доколку не го добијат законскиот минимум, вработените имаат право да се пожалат во Синдикатот или во Државниот инспекторат за труд. Регресот се исплаќа еднаш годишно и е задолжителен за сите работодавачи во приватниот сектор, под услов работникот да бил вработен кај ист работодавач најмалку шест месеци во текот на календарската година.