Актерот Џејмс Франко беше обвинет од колешките актерки Сара Титер-Каплан и Тони Гал дека Франко ги злоупотребувал сексуално во неговото училиште за глума „Playhouse West Studio 4“.

Но, по обвинувањата тој поднесе писмена жалба негирајќи ги обвинувањата во кои се тврдеше дека Џејмс ги заплашувал студентите во училиштето за глума и филм. За овој судски процес, сега е постигнато привремено решение, пишува „The Guardian“.

Двете страни поднесоа заеднички извештаи до високиот суд во Лос Анџелес, во кои велат дека е постигната спогодба во парницата која ја покренале поранешни ученици од сега веќе затвореното училиште „Playhouse West Studio 4“.

Двете актерки и поранешни студенти во 2019 година поднесоа тужба против Џејмс Франко тврдејќи дека тој ги пронудудвал да изведуваат сè повеќе експлицитни сексуални сцени пред камерите во, како што ја нарекоа „оргиска средина“, што е далеку над она што било прифатливо за холивудските филмски сетови.

Тие тврдеа дека многу млади жени биле подложени на негова лична и професионална сексуална експлоатација во име на образованието. Во тоа време, Џејмс Франко ги негираше сите обвинувања.

„Злонамерните обвинувања што ги направија станаа храна за таблоидите, но исто така се лажни и немаат правна основа. Тие беа доставени да им донесат што поголем публицитет. Оваа судска постапка е травестија и кулминација на кампањата која го уништи тешко заработениот и изграден углед на чесен човек“, изјави Франко.

Актерот го отвори училиштето во 2014 година и го затвори три години подоцна.