Дејвис куп: Македонските тенисери обезбедија опстанок во третата Европска група
По поразот од Молдавија со 2:1, најдобрата македонска тениска репрезентација денеска славеше против Лихтенштајн со 2:0.
Мечот во Улцињ (Црна Гора) беше решен во сингл мечевите, во кои победи остварија Берк Бугариќ и Обрад Марковски и на тој начин е обезбеден опстанокот во Третата Европска група од Дејвис куп натпреварувањето.
Бугариќ убедливо со 2:0 во сетови го совлада Ерик Пепард, а Марковски со 2:0 беше подобар од Андреј Спасојевиќ.
Претходно во првите два меча, Македонија загуби од Луксембург со 2:1, а триумфираше над Црна Гора (2:1).
На конечната табела во групата „Б“ Луксембург го освои првото место, пред Молдавија, Македонија и Црна Гора.