Чешката репрезентација доживеала необичен проблем ден пред својата премиера на Светското првенство во САД, Мексико и Канада.

На пат кон тренинг-центарот во мексиканскиот град Запопан, автобусот што ги превезувал чешките фудбалери и стручниот штаб се заглавил при свртување кон влезот на комплексот. Поради инцидентот, дел од возилото ја блокирал сообраќајницата, што предизвикало голем сообраќаен метеж.

Локалните власти морале да затворат една сообраќајна лента, а колоните од автомобили, мотоцикли и камиони се протегале со километри. Според мексиканските медиуми, сообраќајот бил отежнат речиси еден час.

Додека службите се обидувале да го ослободат автобусот, чешките репрезентативци го загубиле трпението и последниот дел од патот до тренинг-центарот го поминале пеш.

Чешката репрезентација во петок ја очекува првиот натпревар на турнирот против Јужна Кореја на стадионот во Гвадалахара.

Чешка се врати на Мундијалот за првпат по 2006 година, а навивачите се надеваат дека оваа необична ситуација ќе остане само интересна анегдота, а не лош знак пред почетокот на натпреварувањето.

Autobus české reprezentace téměř na hodinu zablokoval silnici v Zapopanu. Řidič si špatně najel a s velkým vozidlem uvízl v úzkém vjezdu. Kvůli tomu se vytvořila kolona. Hráči údajně museli dojít část cesty na trénink pěšky.👇🏼
pic.twitter.com/e1st2tiwF5

— Deník Sport (@DenikSport) June 11, 2026