Дејан Георгиевски е европски шампион, златен на Европското клупско првенство во Талин
Македонскиот таеквондо клуб „Бутел“ го најави настапот на Европското клупско првенство, нов голем успех запиша Дејан Георгиевски, олимпискиот вицешампион од Токио.
Нашиот најдобар таеквондист се закити со титулата европски шампион на Европското клупско првенство во Талин, Естонија.
Заради добриот ранкинг нашиот натпреварувач во првото коло беше слободен, потоа со две убедливи победи го освои првото место во категорија 87+ килограми.
Најрвин запиша победа против Египќанецот Шериф Каири Амр славејќи со 21:17 во првата и 7:5 во втората рунда, а потоа триумфираше и против Милош Пилиповиќ од Норвешка со 6:1 во првата и 12:5 во втората рунда.
Ова е трет медал за таеквондо клубот „Бутел“ од Европско клупско првенство, две злата и едно сребро. Останатите борци од ТК Бутел беа солидни, но денеска за нив не беше денот.