Младиот италијански мотоциклист триумфираше на патеката „Марко Симончели“ откако водеше речиси за време на целата трката, а на крајот победи со повеќе од 2.5 секунди предност пред Франческо Бањаја.

Ова е прва победа за Морбидели во Мото ГП класата, а вкупно деветта во кариерата и прва по пауза од три години. Возачот на Петронас Јамаха пред три години беше и шампион во Мото2 категоријата.

Веднаш зад него трката ја заврши Бањаја и тоа за него е прв пласман на победничкиот подиум во кралската класа и тоа откако ги пропушти претходните три трки поради скршеница на ногата која ја заработи во Херес.

На двајцата италијански возачи, кои интересно се продукт на академијата на Валентино Роси, на победничкиот подиум им се приклучи Жоан Мур од Сузуки. Младиот шпански мотоциклист во последниот круг успеа да го претекне Роси и да дојде до третата позиција.