На учениците им е здодевно да одат во училиште, досегашниот пристап не им е интересен, тие се навикнати на дигитализација уште од најмали нозе, изјави министерката за образование и наука Мила Царовска на денешната конференција за новинарите, која присуствува на обука наменета за обучувачи на наставници за основните принципи на новата Концепција за основно образование и начинот на примена на новите наставни програми за прво и четврто одделение.

Министерката посочи дека учебници и натаму ќе има, но преку електронските учебници мора да се подготват учениците за свет без хартија.

– Да не потклекнуваме на неточни информации, можноста за фотокопирање на учебниците постои, но мораме да ги подготвиме учениците за свет без хартија. Дигитализацијата во образованието е нешто што се случува секаде во светот – додаде Царовска.