Денеска на програмата се натпреварите од третото коло во Лига Европа, а свои нови настапи во ова натпреварување се очекува да имаат македонските репрезентативци Елиф Елмас и Стефан Ристовски.

Како што е веќе познато, Аријан Адеми се здоби со сериозна повреда поради која ќе отсуствува подолг период од терените и нема да може да му помогне на Динамо Загреб во следните месеци.

Во рамките од групата „Х“ од 18.45 часот „модрите“ и Ристовски гостуваат во Виена каде што на „Алијанц стадионот“ ќе ги одмерат силите против Рапид Виена. Моментно на табелата води Вест Хем со шест бодови, пред Динамо Загреб и Генк со по три, а без бодови е Рапид Виена.

Наполи кој знае само за победи досега сезонава во Серија А, од друга страна во ЛЕ тоа не се чувствува и има само еден бод во групата „Ц“. „Наполитанците“ и Елмас од 21.00 часот ќе имаат нов обид да стигнат до победа, а ривал им е полската Легија Варшава.

Во генералниот пласман по две кола во оваа група води Легија со шест бодови, четири има Лестер, три Спартак Москва, а еден Наполи. Црвена звезда има максимални шест бодови во групата „Ф“ и со евентуален триумф во Данска против Митјиланд ќе направи огромен чекор на пат кон обезбедување место во нокаут-фазата.

Thursday night football = 😍😍😍

Best game on show? 🤔#UEL pic.twitter.com/Zvd9o2S39f

— UEFA Europa League (@EuropaLeague) October 21, 2021