Човек со пушка убил домашно куче среде улица во Радовиш
Радовишанец е приведен откако, според полицијата, со ловна пушка усмртил куче на улица во Радовиш, а потоа во службен разговор го признал делото.
Препорачано
„На 03.07.2026 во 10:30 часот во Радовиш, полициски службеници од СВР Струмица-ОВР Радовиш го лишија од слобода Р.Л.(72) од Радовиш. Според пријавеното, на 02.07.2026 околу 22:00 на ул. ‘Благој Мучето’ во Радовиш се слушнал истрел од оружје, по што на улицата било забележано усмртено куче. По преземени мерки од страна на полициски службеници е утврдено дека во кучето пукал Р.Л., кој во службен разговор го признал делото, а од него е одземена и ловната пушка ‘застава м75’ со која го извршил делото, а која ја поседувал со дозвола. Увид на местото е извршен од инспектор за храна и ветеринарство, ветеринарен лекар и екипа на ОВР Радовиш, при што е утврдено дека кучето е сопственост на Д.М. од Радовиш. Известен е јавен обвинител од Основното јавно обвинителство Струмица и по документирање на случајот против Р.Л. ќе биде поднесена кривична пријава“, соопшти Министерството за надворешни работи.
