Бундеслига: Кузмановски втор стрелец во поразот од Лемго
Денеска во рамките од 23 коло во најсилното германско првенство составот на Хановер-Бургдорф загуби на домашен терен од Лемго со 27:31.
Тоа е веќе 13 пораз, четврти во последните пет средби, Хановер-Бургдорф моментно е на 14 позиција со 14 бодови, додека Лемго е на деветтото место со 22, 18 помалку од водечкиот Магдебург.
Тоа што радува е новата добра партија на македонскиот репрезентативец Филип Кузмановски кој петпати се запиша во листата на стрелците.
Поефикасен од нашиот играч беше само Данецот Јохан Хансен со седум погодоци, а на спротивната страна девет голови беа дело на Исланѓанецот Бјарки Мар Елисон, еден повеќе од Тим Сутон.
Рајн-Некар Левен на гости го совлада Минден (31:33), Мелсунген со 26:22 подобар од Хамбург, а во македонското дерби Штутгарт ремизираше со Вецлар. За Штутгарт Жарко Пешевски имаше два гола, а кај гостите Филип Миркуловски запиша еден погодок.