„Брза помош“ за гладните: 3 заситувачки салати кои ќе ги подготвите за час!

салата
Фото: Пиксабеј

Нема ништо полошо од тоа кога сте гладни, а треба да готвите оброк еден час или повеќе. Имено, обично се подразбира дека квалитетен оброк бара малку повеќе внимание.

Можно е да се храниме и здраво и урамнотежено без да трошиме премногу време за подготвување оброци. Затоа ви пренесуваме три совршени рецепти – салати полни со витамини, кои брзо и лесно се подготвуваат и ќе го задоволат пробирливото непце.

 

Салата од тестенини со ореви

За 4 лица

Сварете 400 гр тестенини според упатството на пакувањето и потоа исцедете ги. Излупете 1 морков, 1 црвена пиперка, ½ праз и ¼ краставица. Измијте ги и исечете ги на стапчиња. Потоа измешајте 200 гр пченка (конзервирана), 50 гр сечкани ореви, 200 гр мелено свежо козјо сирење, зеленчук, тестенини, 5 лажици масло, 4 лажици оцет и сол.

 

 

View this post on Instagram

 

A post shared by KusinaniJenny101 (@kusinanijenny101)

Салата од компири со рукола

За 4 лица

Измијте 1 кг помали компири и варете ги во солена вода околу 20 минути. За преливот измешајте 2 лажички рендана кора од лимон, 5 лажици сок од лимон и маслиново масло, сол, бибер по вкус и 100 мл супа од зеленчук. Излупете ја кората и измешајте ги со преливот додека е уште топол. Оставете ја салатата да отстои околу 1 час. Исчистете, измијте и исечкајте 1 зелена, жолта и црвена пиперка. Измијте ги и преполовете 500 гр мини домати. Исчистете 2 снопови рукола, измијте ја, протресете ја и искинете ја на парчиња со големина на залак. Измешајте ги сите состојки.

Пилешка салата „Азија“

За 4 лица

Излупете 150 гр моркови и 1 парче корен од ѓумбир, па исечете ги на ленти или исечкајте ги. Потоа измијте 150 гр свежи никулци од грав. Морковите, ѓумбирот и никулците бланширајте ги во врела вода околу 2 минути, извадете ги од цедалка да се исцедат и зачувајте ја течноста. Измијте 400 гр пилешко филе, исушете го и варете околу 15 минути во течноста за бланширање. Извадете го месото и оставете да се излади.

За сосот, пржете 2 лажици кари во 2 лажици масло, измешајте 200 мл кокосово млеко и оставете да зоврие. Вмешајте една лажица путер од кикирики и зачинете го сосот со 2 лажици сок од лимон и 2 лажици кафеав шеќер. Гответе околу 15 минути. Месото исечкајте го на стапчиња, измешајте го со зеленчук и 2 лажици сусам и на крај посолете и побиберете. По желба додадете неколку листови коријандер и измешајте го сосот од кикирики непосредно пред сервирање.

Видео на денот