Брза пита со тиквички и сирење: Рецепт што има малку работа, а многу задоволство
Лесна пита со тиквички и сирење е идеален оброк за топол септемвриски ден. Во овој рецепт освојува тоа што има малку работа, а многу задоволство.
Препорачано
Состојките се секојдневни и добро избалансирани, па тиквичките ќе блеснат само со малку лук, кромид и маслиново масло. За питата по овој рецепт ќе користите готови кори, а доколку сакате да се испробате можете да ги направите и сами.
Состојки:
2 тиквички изрендани и исцедени
300 г сирење
2 јајца
2 чешниња лук, сецкани
1 црвен кромид, сецкан
3 лажици маслиново масло (оставете една лажица за премачкување)
200 г готови кора за пита
црн пипер
сол
сусам или ким по желба за посипување
Подготовка:
Загрејте ја рерната на 180 степени.
На загреано маслиново масло пропржете ги кромидот и лукот неколку минути.
Во сад измешајте го динстаниот кромид, лукот, зачините, јајцата, тиквичките и сирењето.
Садот за печење подмачкајте го со масло или обложете го со хартија за печење.
На дното од садот ставете 2-3 кори и секоја премачкајте ја со маслиново масло.
Потоа врз корите рамномерно распоредете ја смесата со тиквички и сирење.
Преостанатите кори исечете ги на ленти и наредете ги одозгора, ставајќи ја едната хоризонтално, а другата вертикално.
Секоја лента премачкајте ја со маслиново масло, а по желба можете да ги посипете лентите со сусам или ким.
Печете околу 35 минути додека питата не добие златна боја.
